ZI' NICOLE LU FUNGAROLE
Quande ve' la Primavere
Zi' Nicole si trasforme:
sbuffe, smanije e cchiù nen dorme
ca ti fa pene pe' ddavvere.

'N cocce tè nu chiove fisse
sta a pinzà a na cosa sole:
“Avrà 'rscit li Marzuole?
Se 'sta neve si squajesse….!!”

E pripare lu curtelle,
li stuale, lu cistine,
parte preste la matine
pe lu bbosche de Roselle.

Da lundane già si vede
ca la neve arriv' abbasse:
“'Sta matine nen se passe.
Ddije che fredde, n’ci si crede!”

Ma lu calle, piogge e vente
fa squaijà dapù la neve:
zi Nicole 'n ci 'acredeve
e di corse ci 'aritente.

P'arrivà proprie pe' prime,
parte preste, anze de notte;
ma che trove alloche sotte?
Una sorte de casine:

già gireve belle belle,
gente a valle e gente a monde
ca pare' na baraonde
gne la fijre a Manuppelle.

Zi Nicole nen s'arrende;
corre subbete spidite
a lu poste preferite.
Ma lassù n' ci sta cchiù nnente.

Trove tutte scarvusciate.
“Porco monno ammastardite”
Dice pù tutt'avvilite.
“Cacchedune m'ha fricate!”

N'si scuragge zì Nicole,
cerche ancore a monte e a balle,
da la cime fine a valle
senza dice 'na parole.

Ma di colpe, che te vede
proprie sotte a nu teppone,
color grigge-cinerone?
Quasi quasi nen ce crede!

Ddij che sorte di crispelle!
zi Nicole piane piane
scave attorne nghe le mane
e l’arcoije belle belle.

Trove atturne le surelle
Li fratille e li cuggine:
e l’ha fatte pijne pijne
di Marzuole lu cistelle.

Dapù preghe cha piuvesse
( già si sente cacche ttone)
e aspettà lu tempe bbone
e lla lune ca crescesse,

pecchè arrive le Murchelle,
e Gallitte, e Spinarule;
mò je vè li vandajule,
nen sta cchiù dentr'a la pelle.

E, a lu colme dell'Estate,
quande esce li Purcine
zi Nicole ne cumbine
nu miglione de mattate.

Cante, fischje e va zumbenne,
come fusse nu bardasce,
sembre proprie ca rinasce
e arduvente nu ventenne.

Da la sera alla matine
rusce, bianche, gialle e njre
'n file arrete a na' bandijre
come a tante suldatine

se le sogne; e la moje
ca je dice”Statt'a qua”
“Che sti' ddice la bardà?
Que' ni'jè sole 'na voje,

com'a dire na passione”.
Jè na vera malatije;
je na cosa ca ti pije
e 'n te dà cchiù remissione”.

Pu lu 'nverne aricumpare
nghe lu ggele e nghe la neve,
e la nebbie fa nu vele:
tutte dorme pare pare.

Zì Nicole arijè nurmale:
lu cistine e lu curtelle
arepone belle belle
azzeccate a li stuale.

Ma già vole lu pinziere
a li valle e a li mundagne.
La dumande nen se cagne:
“Quand'arvè la Primavere?”